"İran vəziyyətin gərginləşməsinin nəticələrinin acısını çəkəcək".
İqtisadiyyat.az xəbər verir ki, bunu İran İnqilabı Keşikçiləri Korpusunun (SEPAH) Fars körfəzində İsrailə bağlı yük gəmisini ələ keçirməsindən sonra İsrail Ordusunun sözçüsü Daniel Həqari bildirib.
"İran vəziyyəti daha da gərginləşdirmək seçiminin nəticələrinin acısını çəkəcək. İsrail yüksək hazırlıq vəziyyətindədir, İranın hücumuna qarşı hazırlığını artırıb və cavab verməyə hazırdır", - Həqari qeyd edib.
"Tesnim" Xəbər Agentliyinin məlumatına görə, İnqilab Keşikçiləri Ordusu Dəniz Qüvvələri Fars körfəzində İsraillə əlaqəli olduğunu iddia etdiyi yük gəmisini ələ keçirib.
Portuqaliya bayrağı altında üzən "MSC Aries" gəmisinin Londonda yerləşən "Zodiac Maritime" şirkətinin sahibi israilli iş adamı Eyal Ofelə məxsus olduğu iddia edilib.
