İsrail ordusunun İrana hücum etməsi xəbərindən sonra bitkoinin dəyəri 60 min dollardan aşağı düşüb.

İqtisadiyyat.az xəbər verir ki, bu barədə "Coinmarketcap" analiz şirkətinin məlumatında deyilir.

Məlumata görə, Yaxın Şərqdə gərginliyin artması kriptovalyuta bazarlarına mənfi təsir göstərməkdə davam edir.

Hücum xəbərindən sonra ABŞ dolları bahalaşdığı üçün ən böyük kriptovalyuta olan bitkoinin qiyməti 5,6%-dən çox azalaraq 59 961 dollar olub. Bununla da bitkoinin həftəlik dəyər itkisi 13%-ə çatıb.

Bazar dəyərinə görə ikinci yerdə olan "Ethereum"un qiyməti isə 2 997 dollara enib.

 

Gözəl Həşimova