İsrail Hərbi Hava Qüvvələri Qəzza zolağında hərbi əməliyyatların başlaması ilə əlaqədar 2023-cü il oktyabrın 7-dən sonra dayandırılan təlimləri bərpa edib.

İqtisadiyyat.az xəbər verir ki, bu barədə İsrail ordusunun mətbuat xidməti məlumat yayıb. 

Bəyanatda deyilir ki, hazırda təlim səyləri Livanla sərhəddə mümkün eskalasiyanı nəzərə alaraq döyüş hazırlığının artırılmasına yönəlib.

"Müharibənin əvvəlində İsrail Hərbi Hava Qüvvələri illik təlim proqramını dondurdu və bütün resurslar və diqqət hərbi əməliyyatlara yönəldilib. Son bir neçə həftə ərzində Hərbi Hava Qüvvələri tədricən təlimlərə və hərbi hava qüvvələri üçün təlim proqramına qayıdıb", - deyə mətbuat xidmətindən bildiriblər.

Qeyd edilib ki, təlim proqramı uzun müddət ərzində Hərbi Hava Qüvvələrinin şimal istiqamətində və digər istiqamətlərdə döyüşə hazırlığının artırılmasına yönələcək.