İsrail hakimiyyəti ölkəyə giriş üçün məcburi ödənişli elektron icazələrin (ETA) tətbiqini 2025-ci il yanvarın 1-dək təxirə salıb.

İqtisadiyyat.az xəbər verir ki, bu barədə ölkənin Turizm Nazirliyi məlumat yayıb.

“Elektron səyahət icazəsi (ETA) verilməsi üçün onlayn sayt 1 iyun 2024-cü il tarixindən test rejimində fəaliyyətə başlayıb. Bu müddət ərzində Əhali və Miqrasiya İdarəsinə test rejimindən iş rejiminə keçid tarixinə bir sıra müraciətlər daxil olub. İsrailə giriş üçün məcburi və ödənişli ETA qeydiyyatını nəzərdə tutan bu növ sorğular, əsasən, zəruri texnoloji sistemlərin hazırlanması və tətbiqi üçün əlavə vaxt tələb edən aviaşirkətlərə göndərilib”, - məlumatda deyilir.

Əvvəllər bildirilirdi ki, 2024-cü il avqustun 1-dən ETA almaq İsrailin vizasız giriş rejiminə malik olduğu bütün ölkələrdən olan səyahətçilər üçün məcburi olacaq.

"Əhali və Miqrasiya İdarəsi sınaq rejiminin daha 5 ay, 2025-ci il yanvarın 1-dək uzadılması barədə qərar qəbul edib. Bu rejimdə ETA-nın verilməsi könüllü və pulsuz olaraq qalır", - məlumatda vurğulanır.

Qeyd olunur ki, gələcəkdə İsrailə giriş icazəsinin qiyməti təxminən 600 rubl (11,64 AZN) təşkil edəcək. Viza rejimi olan ölkələr üçün İsrail eyni vaxtda elektron vizanı tətbiq edir.