"İsrail hakimiyyəti İrandan gələn təhlükəyə görə dünya üzrə 28 diplomatik missiyanın işini dayandırıb".

İqtisadiyyat.az xəbər verir ki, bu barədə İsrail ordusunun sözçüsü Daniel Hagari bildirib.

Onun sözlərinə görə, İsrail ordusu bütün cəbhələrdə yüksək döyüş hazırlığındadır:

“İranın Dəməşqdəki konsulluğuna hücuma cavab vermək hədəsindən sonra 28 diplomatik nümayəndəlik bağlanıb”.

Həmçinin qeyd olunur ki, səfirliklərin bağlanması barədə qərar İsrail Xarici İşlər Nazirliyinin Təhlükəsizlik Xidməti tərəfindən verilib və bu qərar ölkənin ümumi Təhlükəsizlik Xidməti ilə razılaşdırılıb.

 

Gözəl Həşimova