Bu ilin birinci yarısında İspaniyaya xaricdən rekord sayda turist gəlib.

İqtisadiyyat.az xəbər verir ki, bu barədə Krallığın Milli Statistika İnstitutunun məlumatında deyilir.

Məlumata görə, altı ayda ölkəyə 42,5 milyon əcnəbi qəbul edilib ki, bu da 2023-cü ilin analoji dövrünün göstəricisindən 13,3% çoxdur. İspaniyaya ən çox Böyük Britaniya, Fransa və Almaniyadan turist gəlib.

Yanvar-iyun aylarında xaricdən gələn qonaqların ümumi xərcləri isə 20,6% artaraq rekord həddə - 55,57 milyard avroya çatıb.

 

Gözəl Həşimova