Tarixinin ən quraq dövrlərindən birini keçirən İspaniyada son üç həftədir davam edən yağışlar bənd və gölməçələrdəki suyun səviyyəsini bir az artırıb. Lakin, problemi aradan qaldırmaq üçün bu kifayət deyil.

Ölkənin cənubunda Əndəlüs bölgəsində yerləşən Kordoba şəhəri ən quraq yerlərdən biri kimi seçilməkdə davam edib.

İqtisadiyyat.az dünya mediasına istinadən bildirir ki, rəsmi məlumatlara görə, şəhərdə su ehtiyatlarının doluluq səviyyəsinin 18 faiz səviyyəsində olduğu, son yağışların ehtiyatda 5 kubmetrə yaxın su qaldığı bildirilib.

Kordobada su ehtiyatının keçən ilin eyni dövründə 22 faiz, son 10 ildə isə orta hesabla 61 faiz səviyyəsində olması mövcud quraqlıq böhranının miqyasını daha aydın göstərib.

Qeyd edək ki, bölgədə quraqlığa qarşı tədbirlər davam edərkən, təxminən 80 min Kordobanlı hələ də su çatışmazlığı problemi ilə mübarizə aparır.

Bu yerlərdən biri olan Kordobadan 8 kilometr kənarda yerləşən Fuente Obejuna rayonunda insanlar bələdiyyənin gətirdiyi suyu tankerlərlə bankalara dolduraraq gündəlik içməli su ehtiyaclarını ödəməyə çalışırlar.