İşdən çıxarılan əməkdaşı "Bazarstore" mağazalar şəbəkəsini məhkəməyə verib.

İqtisadiyyat.az xəbər verir ki, marketlər şəbəkəsinin keçmiş işçisi Əliyeva Nərgiz Cavanşir qızı Xətai Rayon Məhkəməsinə ərizə ilə müraciət edib.

O, müraciətində haqsız yerə işdən çıxarıldığını bildirib.

N.Əliyeva "Bazarstore" tərəfindən işə bərpa edilməsini və əmək haqqının da ödənilməsini tələb edir.

İddia hakim Aygün Həsənovanın sədrliyi ilə araşdırılacaq. Məhkəmə iddianı təmin edərsə, "Bazarstore"keçmiş əməkdaşını işə bərpa etməyə və onun işdən ayrıldığı müddət üçün əməkhaqqısını ödəməyə məcbur olacaq.

Xatırladaq ki, "Araz supermarket"lə də bağlı analoji məhkəmə işi qeydə alınıb və işdən çıxarılan əməkdaşı marketlər şəbəkəsini məhkəməyə verib.