Kənd Təsərrüfatı Nazirliyi yanında Aqrar Xidmətlər Agentliyinin keçmiş işçisi qurumu məhkəməyə verib.
İqtisadiyyat.az xəbər verir ki, qurumun keçmiş işçisi Alıyev Akif İsbi oğlu Nərimanov Rayon Məhkəməsinə ərizə ilə müraciət edib.
O, müraciətində haqsız yerə işdən çıxarıldığını bildirib.
A.Alıyev Agentlik tərəfindən işə bərpa edilməsini və əmək haqqının da ödənilməsini tələb edir.
İddia hakim Ramin Quliyevin sədrliyi ilə araşdırılacaq. Məhkəmə iddianı təmin edərsə, Aqrar Xidmətlər Agentliyi keçmiş əməkdaşını işə bərpa etməyə və onun işdən ayrıldığı müddət üçün əməkhaqqısını ödəməyə məcbur olacaq.
Qeyd edək ki, Kənd Təsərrüfatı Nazirliyi yanında Aqrar Xidmətlər Agentliyinin sədri Sərdar Hacıyevir. O, ötən il bu vəzifəyə təyin olunub.
