Yerevan ümumi yurisdiksiya məhkəməsində iyunun 12-də parlament binası yaxınlığında polislə toqquşma zamanı saxlanılan 16 müxalifətçinin məhkəməsi başlayıb. 

İqtisadiyyat.az Ermənistan mətbuatına istinadən xəbər verir ki, bu barədə vəkil Ruben Melikyan jurnalistlərə açıqlamasında deyib. 

O bildirib ki, saxlanılanlardan 15-i xuliqanlıqda, biri isə iğtişaş törətməkdə ittiham olunur. Müxalifət lideri arxiyepiskop Baqrat Qalstanyan keçirdiyi brifinqdə bildirib ki, bütün müttəhimlər siyasi təqibin qurbanı olublar 

İyunun 12-də İrəvanda parlament binası yaxınlığında Baş nazir Nikol Paşinyanın istefası tələbi ilə müxalifət mitinqinin iştirakçıları ilə polis arasında toqquşma baş verib.