İraq milisləri ABŞ qoşunlarını İraqdan çıxarmasa, amerikalıları "tabutlarında" qovacaqlarına söz veriblər. 

İqtisadiyyat.az xəbər verir ki, bu barədə "Feylaq əl-Vad əs-Sadiq" təşkilatının baş katibi Şeyx Məhəmməd ət-Təmimi məlumat verib.

"Əgər qoşunların çıxarılması ilə bağlı razılıq əldə olunmasa, biz amerikalıları tabutda İraqdan qovacağıq və "Qara Ev"in administrasiyasını alçaldacağıq", - o deyib. 

"Amerikalılar müqavimətin kim olduğunu və onun imkanlarının nə olduğunu görəcəklər, xüsusən indi bizim pilotsuz təyyarələrimiz və uzaq mənzilli raketlərimiz var", - o əlavə edib.

ABŞ Mərkəzi Komandanlığının rəhbəri general Maykl Kurilla martın 21-də bildirib ki, ABŞ Müdafiə Nazirliyi hələ prezident Co Baydenə qoşunları İraqdan çıxarmağa başlamağı tövsiyə etmir.

Fevralın 8-də İraq Silahlı Qüvvələrinin Ali Baş Komandanının rəsmi nümayəndəsi Yəhya Rəsul ABŞ-nin rəhbərlik etdiyi beynəlxalq alyansın qüvvələrini respublikada sabitliyi pozan amil adlandırıb. Onun sözlərinə görə, koalisiya qüvvələri ölkə hakimiyyətini ölkədəki missiyasının vaxtından əvvəl dayandırılması məsələsini ciddi şəkildə nəzərdən keçirməyə məcbur edir. 

Pentaqonun sözçüsü Patrik Rayder ABŞ-nin İraq hakimiyyətindən Amerika qoşunlarının ölkədən çıxarılmasını tələb edən hər hansı rəsmi sənəd almadığını bildirib.