İraq təhlükəsizlik qüvvələrinin ABŞ ilə birgə Ənbar vilayətində İŞİD-ə qarşı keçirdiyi əməliyyat zamanı yeddi amerikalı hərbçi yaralanıb.
Bu barədə İqtisadiyyat.az “Associated Press”ə istinadən xəbər verir.
"Bu əməliyyat İŞİD liderlərini hədəf alıb və İŞİD-in İraq vətəndaşlarına, eləcə də regionda və onun hüdudlarından kənarda ABŞ vətəndaşlarına, müttəfiqlərinə və tərəfdaşlarına qarşı hücumları planlaşdırmaq, təşkil etmək və həyata keçirmək qabiliyyətini pozmaq və zəiflətmək olub", - məlumatda bildirilib.
Məlumatda deyilir ki, əməliyyat zamanı liderlər də daxil olmaqla 15 İŞİD yaraqlısı öldürülüb.
2017-ci ildə İraqda, 2019-cu ildə isə Suriyada nəzarət etdiyi ərazilərə nəzarəti itirən qruplaşmaya qarşı mübarizə üçün ABŞ başda olmaqla 80-dən çox ölkədən ibarət koalisiya yaradılıb. Bununla belə, yaraqlılar İraq və Suriyanın Ənbar vilayətində fəaliyyətlərini davam etdirirlər.
İraqda 2,5 minə yaxın Amerika əsgəri var.
Sadiq Cavadov