İranın Lissabondakı səfiri İsrailə hücumdan sonra bölgədə vəziyyətin pisləşməsi fonunda Portuqaliya Xarici İşlər Nazirliyinə çağırılıb. 

İqtisadiyyat.az xəbər verir ki, bu barədə Portuqaliya Xarici İşlər Nazirliyi məlumat yayıb.

"Bu gün, aprelin 16-da İran İslam Respublikasının səfiri Xarici İşlər Nazirliyinə çağırılıb. Görüş son ​​hücumu pisləməyi qətiyyətlə və qəti şəkildə təsdiqləməyə imkan verdi", - məlumatda qeyd edilir.

Nazirlik əlavə edib ki, Lissabon regionda münaqişənin genişlənməsindən dərin narahatlığını ifadə edərək, maksimum təmkinli olmağa çağırıb.

"Görüş, həmçinin, gəminin qeydiyyata alındığı dövlət kimi Portuqaliyanın öhdəliklərini nəzərə alaraq, Hörmüz boğazında saxlanılmış "MSC Aries"in dərhal azad edilməsi tələbini təzələməyə imkan verdi", - XİN əlavə edib.