İsrail Hərbi Hava Qüvvələrinin raketinin Suriya paytaxtının qərbində, İran səfirliyi və konsulluğunun yerləşdiyi Mezze məhəlləsini vurması nəticəsində azı 6 nəfər həlak olub.
İqtisadiyyat.az xəbər verir ki, bu barədə Dubay (BƏƏ) mərkəzli "Al Hadath" telekanalı məlumat yayıb.
Məlumata görə, İran diplomatik missiya kompleksinin yaxınlığında İslam İnqilabı Keşikçiləri Korpusunun (İran Silahlı Qüvvələrinin elit bölmələri) iranlı hərbi məsləhətçilərinin yaşadığı villalar var. "Al Hadath" hücumun hədəfinin Suriyada yerləşən İran zabitlərindən biri ola biləcəyini ehtimal edir.
Bundan əvvəl xəbər verilmişdi ki, İsrail Hərbi Hava Qüvvələri Suriya paytaxtının qərbində, SEPAH-dan olan iranlı hərbi müşavirlərin yaşadığı Mezze məhəlləsinə raket zərbələri endirib.
"Al Hadath" telekanalının məlumatına görə, bu məhəllədə bir neçə partlayış səsi eşidilib. Hadisə yerinə yanğınsöndürmə briqadaları gəlib.
