İranda 14-cü növbədənkənar prezident seçkiləri üçün namizədlərin qeydiyyatı bu gün Bakı vaxtı ilə saat 08:30-da başlayıb və iyunun 3-dək davam edəcək.

Bu barədə İqtisadiyyat.az "İSNA" agentliyinə istinadən xəbər verir.

Təsdiq edilmiş namizədlərin yekun siyahısı iyunun 11-də açıqlanacaq. Məlumata görə, namizədlərə 5 gün vaxt verilib ki, Daxili İşlər Nazirliyi ilə əlaqə saxlasınlar və seçkilərdə iştirak etmək üçün öz namizədliklərini təqdim etsinlər.

Seçkilər isə iyunun 28-də keçiriləcək. Əgər birinci turda namizədlərdən heç biri səs çoxluğunu qazanmasa, iyulun 5-də ikinci tur keçiriləcək və birinci turda ən çox səs toplayan iki namizəd iştirak edəcək.

 

Gözəl Həşimova