Ötən ilin martından bu ilin fevralına qədər İrana səfər edən xarici turistlərin sayı əvvəlki analoji dövrlə müqayisədə 50% artıb.

İqtisadiyyat.az xəbər verir ki, bunu İran Prezidenti İbrahim Rəisi 17-ci Beynəlxalq Turizm Sənayesi Sərgisinin açılış mərasimində deyib.

Onun sözlərinə görə, hökumət həmçinin turizm sektorunda işçilərin stimullaşdırılması üçün 20 qərar qəbul edib.

O əlavə edib ki, İran böyük mədəni irsə və gözəl təbiətə malikdir və bu sənayenin inkişafı üçün böyük potensial təmin edir.

Qeyd edək ki, İran fevralın 4-də Belarus, Qətər, Qırğızıstan, Meksika, Birləşmiş Ərəb Əmirlikləri, Səudiyyə Ərəbistanı, Serbiya, Özbəkistan və Yaponiya da daxil olmaqla 28 ölkə ilə viza rejimini birtərəfli qaydada ləğv edib.

 

Gözəl Həşimova