"İranın BRİCS-ə üzv kimi qəbul edilməsi çoxtərəfliliyi gücləndirəcək".
İqtisadiyyat.az xəbər verir ki, bunu İranın xarici işlər naziri Hüseyn Əmir Abdullahiyan deyib.
Abdullahiyan "X" sosial media platforması hesabından İranın BRİCS-ə mümkün üzvlüyü ilə bağlı açıqlama verib.
O, İranın BRİCS-ə qəbul edilməsini "böyük uğur" kimi qiymətləndirərək deyib: "İranın BRİCS-ə qəbul edilməsinin böyük uğuru çoxtərəfliliyi gücləndirməklə yanaşı, dinamik diplomatiyanın həyata keçirilməsində hökumətin məqsədlərinə nail olmaq üçün əsasdır. Həmçinin, başqa makro strategiyalar formalaşdıra bilər".
