Tacikistan və İran avqustun 10-dan ümumi xarici pasport sahibləri üçün vizasız rejim tətbiq edəcək.
İqtisadiyyat.az xəbər verir ki, bu barədə Tacikistan Xarici İşlər Nazirliyi məlumat yayıb.
Bu, ümumi xarici pasport sahibləri üçün etibarlı olacaq.
“2024-cü il avqustun 10-dan Tacikistan Respublikası və İran İslam Respublikası hökumətləri arasında ümumi xarici pasport sahibləri üçün vizaların ləğvi haqqında Anlaşma Memorandumu qüvvəyə minəcək”, - deyə məlumatda bildirilir.
Bildirilib ki, iki ölkənin ümumi xarici pasport sahibləri 90 gün ərzində tərəflərin ərazisinə 30 gün müddətinə vizasız səfər etmək hüququna malikdirlər.
Gözəl Həşimova
