İran ciddi şəkildə Rusiya ilə münasibətləri gücləndirmək və mübahisəli məsələləri bir-biri ilə əməkdaşlıqda həll etmək niyyətindədir.

İqtisadiyyat.az TASS-a istinadən xəbər verir ki, bunu İranın birinci vitse-prezidenti Məhəmməd Rza Aref Rusiyanın Baş naziri Mixail Mişustinlə danışıqları zamanı deyib.

"Münasibətlərimizin bütün səviyyələrdə inkişaf etdiyi yaxşı tempdən çox məmnunam", - deyə vitse-prezident bildirib.

O, Rusiya Federasiyası ilə əməkdaşlığın İranın xarici siyasətinin prioritetlərindən biri olduğunu vurğulayıb: "Yeni hökumətdə biz praqmatik yanaşmada israr edirik və danışıqlara başlamaq və bağlanmış sazişlərin yaxın gələcəkdə praktiki olaraq həyata keçirilməsini təmin etmək niyyətindəyik. Qeyri-qanuni Qərb sanksiyalarına qarşı mübarizədə iki ölkənin ümumi təcrübəsi və bu sanksiyaların neytrallaşdırılması üçün əməkdaşlığa ehtiyac İran və Rusiyanın bir-biri ilə bütün səviyyələrdə və bütün istiqamətlərdə əməkdaşlıq etməsini tələb edir".

“Bizim dostumuz olan Rusiya Federasiyası ilə bütün sahələrdə regional əməkdaşlığın gücləndirilməsinin vacibliyini vurğulayırıq. Dəyişiklik qeyri-sabitliyə gətirib çıxaracaq və qeyri-regional səlahiyyətlərin sui-istifadəsinə yol açacaq”, - Aref söyləyib.

İqtisadi əməkdaşlıqdan danışan vitse-prezident hazırda iki ölkə arasında ticarət dövriyyəsinin 2,5 milyon avro təşkil etdiyini xatırladıb və birgə səylər nəticəsində bu rəqəmin daha da yüksələcəyinə ümid etdiyini bildirib.

 

Sadiq Cavadov