İqtisadiyyat.az "Anadolu Agentliyi"nə istinadən xəbər verir ki, İran prezidenti Məsud Pezeşkian ötən gün paytaxtın Tehrandan köçürülməsi məsələsini bir daha gündəmə gətirib.
O qeyd edib ki, Tehranın bəzi səbəblərdən, xüsusilə də iqtisadi səbəblərdən paytaxt olaraq qalması qeyri-mümkün hala gəlib. Ölkənin paytaxtı Tehran həll olunmaz problemlərlə üzləşib.
Qərarın səbəbləri və mümkün nəticələri İranda əvvəlki illərdə də gündəmə gətirilsə də, imkansızlıq səbəbindən həyata keçirilə bilməyib.
Qeyd edək ki, Tehran İranın siyasi, iqtisadi və mədəni mərkəzi kimi ölkənin idarə olunmasında əsas rol oynayır. Tehran illərdir əhalinin çoxluğu, havanın çirklənməsi, zəlzələ riski, su çatışmazlığı və yerin çökməsi kimi problemlərdən əziyyət çəkir.
Gözəl Həşimova
