İran İsraili dəstəklədiyi üçün Böyük Britaniyanın müdafiə naziri Qrant Şappsa sanksiya tətbiq edib.

İqtisadiyyat.az TASS-a istinadən xəbər verir ki, bundan əlavə, krallığın silahlı qüvvələrinin yüksək komandanlığı, İngiltərənin Kiprdəki Akrotiri hərbi bazası, eləcə də üç şirkət məhdudiyyətlərə məruz qalıb.

Sənəddə deyilir: “Sanksiyalar İsrail rejiminin hərəkətlərinə, o cümlədən regional, həmçinin beynəlxalq sülh və təhlükəsizliyə qarşı terror aktları törətməsinə, insan hüquqlarının sistematik şəkildə pozulmasına, müharibəyə təhrik etməyə, ağır silahlardan, həmçinin qadağan olunmuş döyüş sursatlarından istifadə etməsinə qəsdən dəstək verdiyinə, mülki əhali, Fələstin xalqının didərgin salınması, işğal olunmuş ərazilərdə qeyri-qanuni məskunlaşmaların genişləndirilməsinə görə tətbiq edilir”.

 

Gözəl Həşimova