“İran Rusiya ilə elektrik enerjisi mübadiləsi üçün Azərbaycan və Ermənistan-Gürcüstan üzrə iki marşrutu nəzərdən keçirib. Hazırda yekun danışıqlar və icra mərhələsindəyik”.
İqtisadiyyat.az xəbər verir ki, bu barədə İranın energetika naziri Əli Əkbər Mehrabian yerli mediaya açıqlamasında bildirib.
Onun sözlərinə görə, İran bəzi qonşu ölkələrlə elektrik enerjisinin ödənişsiz mübadiləsini nəzərdən keçirir:
“Azərbaycan üzrə marşrut xeyli asan başa gələ bilər. Biz elektrik şəbəkələrini sinxronlaşdırmışıq, lakin mühafizə relelərini tənzimləməliyik. İran Azərbaycan ərazisindən Rusiya ilə elektrik enerjisi mübadiləsi aparacaq. Bundan əlavə, İranın Rusiyanın elektrik şəbəkəsinə Ermənistan və Gürcüstan vasitəsilə qoşulması da gündəmdədir. Biz ölkənin elektrik şəbəkəsini regionun bütün ölkələri ilə birləşdirmək niyyətindəyik”.
Gözəl Həşimova
