İran Avropa İttifaqı (Aİ) və Böyük Britaniyanın bəzi İranlı şəxslərə və qurumlara qarşı tətbiq etdiyi sanksiyalara cavab verəcək. 

İqtisadiyyat.az xəbər verir ki, bu barədə İranın rəsmi xəbər agentliyi İRNA-nın məlumat yayıb. 

Məlumatda Xarici İşlər Nazirliyinin sözçüsü Naser Kenani Aİ və Böyük Britaniyanın Tehrana qarşı tətbiq etdiyi son sanksiyalarla bağlı açıqlama verdiyi bildirilib: 

"Avropa İttifaqı və Britaniya rejiminin bu hərəkəti onların İranın nüfuzu ilə bağlı çaşqınlıqlarının, həmçinin İran həqiqətlərini tam dərk etməkdə zehni acizliklərinin əlamətidir. İran bu cür uğursuz siyasətlərə cavab vermək hüququnu özündə saxlayır və tezliklə Avropa İttifaqı və Böyük Britaniyada insan haqlarını pozanlara və terrorizm tərəfdarlarına qarşı sanksiyaların yeni siyahısını açıqlayacaq ".