İran ABŞ-də keçiriləcək prezident seçkilərinə müdaxilə məqsədi daşıyan kiberhücumlarda iştirak ittihamlarını rədd edib.
İqtisadiyyat.az xəbər verir ki, bu barədə “IRNA” İranın BMT-dəki daimi nümayəndəliyinə istinadən xəbər verir.
“Bu cür iddiaların heç bir əsası yoxdur. Daha əvvəl də qeyd etdiyimiz kimi, İranın ABŞ-dəki prezident seçkilərinə müdaxilə etmək niyyəti və səbəbi yoxdur. Əgər Amerika hökuməti öz bəyanatlarının doğruluğuna həqiqətən inanırsa, əgər varsa, sübut təqdim etməlidir. Biz də buna uyğun cavab verəcəyik”, - deyə məlumatda bildirilib.
Avqustun 19-da ABŞ kəşfiyyat agentlikləri və FTB Donald Trampın qərargahına edilən son haker hücumunun arxasında İranın dayandığı qənaətinə gəliblər. Onların bəyanatında deyilir ki, İran ABŞ-nin seçki prosesinə təsir göstərmək üçün hər iki siyasi partiyanın prezidentlik kampaniyalarına çıxış əldə etməyə çalışır.
Sadiq Cavadov