İqtisadiyyat.az xəbər verir ki, bu barədə “Tasnim” agentliyi məlumat yayıb.

Xəbərdə bildirilir ki, bu məlumatı İranın danışıqlar qrupunun üzvlərindən biri təsdiqləyib.

Daha əvvəl xəbər verilmişdi ki, İran və ABŞ nümayəndə heyətləri arasında Tehranın nüvə proqramı ətrafında fikir ayrılıqlarının aradan qaldırılmasına həsr olunmuş dördüncü danışıqlar raundu mayın 11-də Omanın Məskət şəhərində baş tutacaq.

Aprelin 26-da İranın nüvə proqramı və Tehrana qarşı tətbiq olunan sanksiyaların ləğvi ilə bağlı ABŞ-İran danışıqlarının üçüncü raundu başa çatmışdı. ABŞ nümayəndə heyətinə Prezident Donald Trampın xüsusi nümayəndəsi Stiven Uitkoff, İran tərəfinə isə xarici işlər naziri Abbas Əraqçi rəhbərlik edib.

Oman Xarici İşlər Nazirliyinin məlumatına görə, tərəflər İranın nüvə silahı hazırlamaqdan tam imtinası və bunun müqabilində sanksiyaların ləğvini nəzərdə tutan, eyni zamanda Tehrana dinc nüvə energetikasını inkişaf etdirmək hüququnu saxlayan razılaşmanı müzakirə ediblər.