Avropada "iPhone"a tələbatın hansı ölkələrdə yüksək, hansı ölkələrdə isə aşağı olduğunu göstərən araşdırma dərc olunub.

İqtisadiyyat.az xəbər verir ki, bu barədə hesabatı almaniyalı demoqrafiya mütəxəssisi Saymon Kustenmacher özünün "Twitter" hesabında yayıb.

Məlumata görə, "Apple" şirkətinə məxsus "iPhone" telefonları qərb ölkələrində daha populyardır.

Bu nöqtədə ən yüksək göstəricilər Danimarka və Norveçdədir. Adı çəkilən ölkələrdə "iPhone" istifadəçilərinin nisbəti yüzdə 60-70 faizdir.

Böyük Britaniya, İsveç, İsveçrə və Albaniyada yaşayan insanların yarıdan çoxu (50-60 faiz) "Apple" cihazlarına üstünlük verir. Eynilə, "iPhone" smartfonları Fransa, Belçika, Hollandiya, Avstriya və İrlandiyada (40-50 faiz) populyarlığını qoruyub.

Rusiya və Almaniyada "iPhone"a tələbat 30-40 faiz civarındadır. İtaliya, Portuqaliya, Finlandiya, Latviya və Estoniyada da eyni göstəricilərlə qaşılaşılıb. Belarus və Litvada bu göstərici daha az - 20-30 faiz səviyyəsində olub.