İqtisadiyyat.az xəbər verir ki, bu barədə "9to5Mac" portalı məlumat yayıb. 

Şəkillərdən göründüyü kimi, smartfon iki rəngdə – qara və ağ təqdim ediləcək. Bundan əlavə, "iPhone 16E", "iPhone SE" (2022) ilə müqayisədə daha böyük bir çıxıntıya sahib tək kamera ilə təchiz olunacaq.

Şayiələrə görə, bu kameranın təsvir ölçüsü 48 MP olacaq.

Yeni cihazın yan panelində düz alüminium çərçivə və səssiz rejim keçidini görmək mümkündür. Qeyd edək ki, bu keçid hazırkı "iPhone" modellərində əməliyyat düyməsi ilə əvəz edilmişdi.

Şayiələrə əsasən, yeni "iPhone SE" "iPhone 16E" adlandırılacaq. Ekspertlər hesab edir ki, yeni smartfon SE seriyasının büdcəli modeli kimi görünmür. Buna görə də, "Apple" onu "iPhone 16E" adlandıraraq hazırkı "iPhone SE" modelini daha ucuz qiymətə satmağa davam edə bilər.