Argentinalı super ulduzu heyətinə qatan "İnter Mayami" "Real Madrid"in keçmiş ulduzunu transfer etmək istəyir.

İqtisadiyyat.az "Relevo"ya istinadən xəbər verir ki,  Lionel Messi və Serxio Busquets ilə müqavilə bağladıqdan sonra "İnter Mayami" bir sıra ulduz futbolçuları cəlb etməyi planlaşdırır.

 Onların hazırkı hədəfinin "Real Madrid"in keçmiş ulduzu Eden Hazard olduğu bildirilsə də, belçikalı oyunçu maaş limitindən aşağı təklifi qəbul edərsə, Lionel Messinin yeni komanda yoldaşlarından birinə çevriləcək.

Hazardın "Real Madrid"dəki müqaviləsi ötən ay ləğv edilib və onun Belçikaya qayıda biləcəyi bildirilir.

Bununla belə, MLS-ə transfer və hətta cinah oyunçusunun təqaüdə çıxması da seçim kimi gündəmə gətirildi.

Hazard təqaüdə çıxmaq istəmədiyini, lakin gələcəyi ilə bağlı hələ qərar vermədiyini bildirib.

 Belçikanın Pro Liqa komandası "Molenbeek"in onu vətənə qaytarmaq üçün təklif etdiyi barədə şayiələr yayılsa da, "İnter Mayami" onu MLS-ə aparacağına ümid edir.