İnkişaf etməkdə olan iqtisadiyyatlar arasında faiz dərəcəsində fərqlilik müşahidə olunur.

İqtisadiyyat.az xəbər verir ki, bu barədə "Fitch Ratings" beynəlxalq reytinq agentliyi məlumat açıqlayıb.

Məlumata görə, inkişaf etməkdə olan iqtisadiyyatların əksəriyyəti uçot dərəcəsini sabit saxlayıb, bəziləri isə endirib. Bildirilib ki, inkişaf etmiş iqtisadiyyatların Mərkəzi Bankları isə inflyasiyanı azaltmaq üçün faiz dərəcəsini artırmağa davam edir.

Hesabata əsasən, Cənubi Koreya, İndoneziya, Meksika, Cənubi Afrika, Hindistan və Polşada faiz dərəcələri sabit saxlanılıb, Braziliya və Çilidə isə endirilib. Bu dövrdə Çin iqtisadi artımın yavaşlaması səbəbindən uçot dərəcəsini endirib. Türkiyə və Rusiya Mərkəzi Bankları isə faiz dərəcəsini artırıb.

 

Gözəl Həşimova