İqtisadiyyat.az xəbər verir ki, bu barədə Dünya Bankı məlumat yayıb.
Dünya Bankı, inkişaf etməkdə olan ölkələrin ötən il xarici borclarını ödəmək üçün 1,4 trilyon dollar xərclədiyini və faiz xərclərinin son 20 ilin ən yüksək səviyyəsinə çatdığını bildirib.
Hesabatda faiz ödənişlərinin təxminən 406 milyard dollara çatdığı və bunun bir çox ölkənin səhiyyə, təhsil və ətraf mühit kimi kritik sahələrdə büdcəni azaltığı qeyd edilib.
Hesabatda maliyyə təzyiqinin ən yoxsul və ən kövrək ölkələrdə hiss olunduğu və bu ölkələrin 2023-cü ildə borclarını ödəmək üçün 96,2 milyard dollarlıq rekord ödəniş etdiyi bildirilib.
Bu ölkələr üçün əsas ödənişlərin təxminən 8 faiz azalaraq 61,6 milyard dollara düşdüyü qeyd olunub.
Məlumata görə, COVID-19 pandemiyası bütün inkişaf etməkdə olan ölkələrin borc yükünü kəskin şəkildə artırıb.
Gözəl Həşimova
