İyun ayında Böyük Britaniyada 14,5 milyard funt sterlinq (18,75 milyard dollar) büdcə kəsiri qeydə alınıb.

İqtisadiyyat.az xəbər verir ki, bu barədə ölkənin Milli Statistika İdarəsi (ONS) məlumat yayıb.

Bildirilib ki, bu rəqəm ötən ilin iyun ayı ilə müqayisədə 3,2 milyard funt-sterlinq azalsa da, təxminən 11,6 milyard funt-sterlinq kəsir proqnozlardan yüksək olub.

Məlumata görə, bu ilin aprel-iyun aylarında yeni dövlət borclarının ümumi həcmi ötən ilin eyni dövrü ilə müqayisədə 1,1 milyard funt sterlinq azalaraq 49,8 milyard funt sterlinq təşkil edib.

Qeyd olunub ki, Böyük Britaniyanın dövlət borcunun ümumi həcmi (dövlət banklarından alınan borclar istisna olmaqla) mayın sonunda ölkənin ÜDM-nin təxminən 99,5%-ni təşkil edib. Dövlət borcunun ÜDM-ə nisbəti 1960-cı illərin əvvəllərindən bəri ən yüksək səviyyədə olub.

 

Sadiq Cavadov