İngiltərə Premyer Liqasında çıxış edən "Vest Hem Yunayted" 18 yaşlı Luis Gilyerme ilə müqavilə imzalayıb.

İqtisadiyyat.az klubun mətbuat xidmətinə istinadən xəbər verir ki, Luis Gilyerme ilə 5 illik müqavilə imzalandığı bildirilib. Britaniya komandasının bu transfer üçün "Palmeyras"a 23 milyon avro transfer haqqı və 7 milyon avro bonus ödəyəcəyi bildirilib. Digər tərəfdən, futbolçunun müqaviləsində növbəti satışdan 20 faizlik pay da var.

Luis Gilyerme əvvəlki mövsümdə "Palmeyras" forması ilə 18 oyun keçirib. 18 yaşlı futbolçu bu matçlarda 677 dəqiqə meydanda olub və 1 qol vurub, 1 məhsuldar ötürmə edib.