Fövqəladə Hallar Nazirliyi (FHN) ofis və məktəb ləvazimatlarının satışını həyata keçirən “İnci Group of Companies” MMC-də nöqsanlar aşkarlayıb.
İqtisadiyyat.az xəbər verir ki, nazirlik əməkdaşlarının keçirdiyi yoxlama zamanı yanğın təhlükəsizliyi qaydalarına əməl edilmədiyi məlum olub.
Buna görə də FHN şirkət barəsində İnzibati Xətalar Məcəlləsinin 518.1-ci maddəsinə əsasən cərimə protokolu tərtib edib.
Daha sonra protokol baxılması üçün Nəsimi Rayon Məhkəməsinə göndərilib. İş hakim Anar İbadzadənin icraatına verilib.
Protokol tərtib olunan maddədə deyilir ki, yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə hüquqi şəxslər üç yüz əlli manatdan beş yüz manatadək məbləğdə cərimə edilir.
