“Azərbaycanda 2 ildən artıqdır ki, “Nabat Talks” platformasını yaratmışıq. Bunu sahibkarlar, rəhbər vəzifələrdə çalışan şəxslər bizneslərini inkişaf etdirmələri və eyni zamanda, qarşılıqlı əməkdaşlıqların qurulması məqsədilə təsis etmişik”.

Bu fikirləri İqtisadiyyat.az saytına "Alpha-Omega" şirkətinin direktoru, həmçinin “Nabat Talks” platformasının təsisçisi İnarə Mirzəzadə deyib.

Təsisçi xanımın sözlərinə görə şirkət ilk olaraq onlayn fəaliyyətə başlayıb, zoom vasitəsilə görüşlər keçirilib. Pandemiya məhdudiyyəti aradan qaldırıldıqdan sonra isə real görüşlər təşkil olunub:

“Biz ilk dəfədir ki, “Nabat Talks”u forum formatında keçiririk. Düşündük ki, kiçik görüşləri yeni səviyyəyə, yeni pilləyə qaldırmağa ehtiyac var. Daha çox sahibkarlara əlçatan olmaq istədik. Bu gün də forumda nəinki orta, iri sahibkarlar kiçik sahibkarları da cəlb edə bilmişik. Demək olar ki, daxil olan kiçik sahibkarların sayı və yarmarkalar da daxil 60-a yaxındır”.

Qeyd edək ki, "Alpha-Omega" şirkəti gələn il üçün ikinci forumu planlaşdırır. İkinci tədbir miqyasına və həcminə görə də böyük olacaq. Bu zamana qədər isə uğur əldə etmək istəyən bütün sahibkarlar bu platformadan faydalana bilərlər.