Logo

İnam Kərimov Qusarda vətəndaşları qəbul etdi - FOTOLAR


gün kənd təsərrüfatı naziri İnam Kərimov Qusar Dövlət Aqrar İnkişaf Mərkəzinin (DAİM) inzibati binasında Qusar, Quba və digər rayonlardan olan vətəndaşları qəbul edib.

Qəbulda 37 nəfərin müraciətinə baxılıb.

Onlar əsasən subsidiya ödənişi, fermerlərə güzəştli şərtlərlə kreditlərin verilməsi, kənd təsərrüfatı texnikası və təsərrüfat suyu ilə təminat, ixtisasa uyğun işlə təmin edilmə və digər məsələlərlə bağlı müraciət ediblər. İ.Kərimov qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib.

Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb. Nazirliyin fəaliyyət dairəsinə aid olmayan müraciətlər müvafiq qurumlara çatdırılmaq üçün qeydiyyata alınıb.

Qusar DAİM-in binasında Aqrar Xidmətlər Agentliyinin Səyyar Xidmət Qrupu mexanizatorlar üçün səyyar xidmət təşkil edib. Xidmət zamanı etibarlılıq müddəti bitən traktor və digər mexaniki nəqliyyat vasitələrini idarə etmək üçün mexanizatorların sürücülük vəsiqələri yeniləri ilə əvəz edilib. “Səyyar Xidmət” qrupu öz fəaliyyətini gün ərzində davam etdirəcək.

 

  • İnam Kərimov Qusarda vətəndaşları qəbul etdi - FOTOLAR
  • İnam Kərimov Qusarda vətəndaşları qəbul etdi - FOTOLAR
2022-05-14 13:49:00 420
Teqlər: