“Tesla” və “SpaceX” şirkətlərinin rəhbəri İlon Maskın sərvəti son beş gündə 37,3 milyard dollar artıb.

İqtisadiyyata.az xəbər verir ki, bu barədə "Bloomberg Billionaires Index"i məlumat yayıb.

Bu, 2022-ci ilin martından bəri onun sərvətində ən böyük həftəlik artımdır. Buna səbəb "Tesla" səhmlərinin Çin texnologiya şirkəti "Baidu" ilə potensial əməkdaşlıq xəbərləri fonunda bahalaşması olub.

Təkcə aprelin 29-da İlon Maskın sərvəti 18,5 milyard dollar artaraq 201,5 milyard dollar təşkil edib. Eyni zamanda, "Tesla" səhmləri həmin gün 17,76% artıb.

 

Gözəl Həşimova