İqtisadiyyat.az-ın əldə etdiyi məlumata görə, qurum işçilərin könüllü tibbi sığortalanmasını “Qala Sığorta”ya həvalə edib və onunla müqavilə bağlayıb.

Müqaviləyə əsasən, İKZF-nin işçilərinin könüllü tibbi sığortalanması ona 267 534 manata başa gələcək.

Məlumatda bildirilir ki, bu vəsait İKZF-nin 150 işçisi üzrə illik sığorta haqqını əhatə edir. Belə ki, bu, Fondun 147 işçisinin 5000 manat məbləğində, rəhbər heyətdən olan 3 işçisinin isə 10 000 manat məbləğində könüllü tibbi sığortalanmasını nəzərdə tutur.

Qeyd edək ki, İKZF-nin rəhbərliyində İdarə Heyətinin sədri Fəxri Kazımov, İdarə Heyəti sədrinin müavini Ramil Tahirov və İdarə Heyəti sədrinin müşaviri İlham Kələşov təmsil olunur.