İpoteka və Kredit Zəmanət Fondunun (İKZF) qiymətli kağızlar ilə aparılan əməliyyatlarla bağlı müştəri sifarişlərinin qəbul və icra edilməsi üzrə xidmətlərinin satın alınması ilə əlaqədar elan etdiyi tender yekunlaşıb.

İqtisadiyyat.az xəbər verir ki, xidmətlər üzrə əməliyyatların həcmi 2,4 milyard manat məbləğində proqnozlaşdırılır.

Xidmətlər “Qiymətli kağızlar bazarı haqqında” Qanunun və Mərkəzi Bankın 31 avqust 2021-ci il tarixli 23/1 nömrəli qərarı təsdiq edilmiş “İnvestisiya şirkətləri və banklar tərəfindən investisiya xidmətlərinin (əməliyyatlarının) həyata keçirilməsi Qaydası”nın tələblərinə cavab verməlidir.

Fond sözügedən xidmətlərin həyata keçirilməsini "İnvest-AZ" İnvestisiya Şirkətinə həvalə edib.