İqtisadiyyat.az xəbər verir ki, bu barədə İqtisadi Əməkdaşlıq və İnkişaf Təşkilatının (İƏİT) hesabatında deyilir.

Hesabata əsasən, qlobal miqyasda quraqlıqdan təsirlənən torpaq sahəsi son 120 ildə iki dəfə artıb.

Son illərdə planetin 40 faizi daha tez-tez və şiddətli quraqlıqlar yaşayıb və bu, təkcə kənd təsərrüfatında deyil, həm də ticarət, sənaye və enerji istehsalı kimi bir çox sektorlarda məhsuldarlığın itirilməsinə səbəb olub.

Bir çox sahələrdə təsirini hiss etdirən quraqlığın insan və iqtisadi xərcləri də kəskin şəkildə artır. Quraqlıqlar fəlakətlə bağlı ölümlərə səbəb olur və yoxsulluq, bərabərsizlik və köçkünlük şəraitini pisləşdirir.

İƏİT hökumət qurumlarını inkişaf edən quraqlıq riskini proaktiv, qabaqlayıcı və adaptiv şəkildə həll etmək, zərərləri məhdudlaşdırmaq və quraqlığa qarşı dayanıqlığını artırmaqla cəmiyyətlərin və iqtisadiyyatların bərpa etmək qabiliyyətini gücləndirmək üçün dərhal və əlaqələndirilmiş tədbirlər görməyə çağırır.

 

Gözəl Azadəliyeva