Beynəlxalq Enerji Agentliyi (IEA) bu il neftə tələbin sutkada 860 min barel artacağını proqnozlaşdırır.
İqtisadiyyat.az xəbər verir ki, bu barədə agentliyin oktyabr hesabatında deyilir.
Beləliklə, bu göstərici, əvvəlki proqnozla müqayisədə sutkada 40 min barel azdır.
IEA qeyd edir ki, üçüncü rübdə neft tələbi sutkada cəmi 680 min barel artıb. Gələn il üçün IEA neftə tələb artımının sutkada 1 milyon barel olacağını proqnozlaşdırır.
Bununla yanaşı, agentlik Çində neftə tələbin güclü şəkildə yavaşladığını qeyd edir. Belə ki, ötən il Çin tələb artımının 70%-ni edirdisə, bu və gələn il isə cəmi 20%-ni təmin edəcək.
IEA, həmçinin avqust ayında kommersiya neft ehtiyatlarının 22,3 milyon barel azaldığını vurğulayır.
Gözəl Həşimova