İqtisadiyyat.az xəbər verir ki, bununla bağlı müvafiq hazırlıqlara başlanılıb.

Oğuz Rayon İcra Hakimiyyəti (RİH) şəhərdaxili mobillik planının hazırlanması işlərini Azərbaycan Texniki Universitetinə (AzTU) həvalə edib.

Müqaviləyə əsasən, universitet layihəni 20 000 manata hazırlayacaq.

Qeyd edək ki, şəhərdaxili hərəkət (mobillik) planı - əhalinin və ərazinin perspektiv inkişafı nəzərə alınmaqla yol hərəkətinin bütün iştirakçılarının təhlükəsiz hərəkətinin təmin edilməsi, ümumi istifadədə olan nəqliyyat xidmətlərinin keyfiyyətinin, dayanıqlılığının və əlçatanlığının artırılması, habelə nəqliyyat vasitələrindən (o cümlədən, velosiped nəqliyyatından), nəqliyyat və piyada infrastrukturundan istifadənin müasir tələblərə cavab verən səviyyədə təmin edilməsi üçün hazırlanmış plandır.

Mobillik planı hər bir şəhərin qüvvədə olan Baş planı əsasında hazırlanır. Mobillik planının qüvvədəolma müddəti Baş planın qüvvədəolma müddəti ilə müəyyən edilir. Baş plan olmadığı halda və ya Baş planın qüvvədəolma müddəti bitdikdə, şəhərlərin bütün ərazisi üçün mobillik planının hazırlanmasına yol verilir.