İqtisadiyyat.az xəbər verir ki, bununla bağlı icra başçısı Rafiq Cəlilov müvafiq sərəncam imzalayıb.

Sərəncama əsasən, Kərimov Fəttah Məmməd oğlu Cəlilabad RİH başçısının rayonun ən böyük yaşayış məntəqələrindən biri olan Uzuntəpə kənd inzibati ərazi dairəsi üzrə nümayəndəsi təyin edilib.

Qeyd edək ki, F.Kərimov bundan əvvəl Cəlilabad RİH başçısının Cəlayir kənd inzibati ərazi dairəsi üzrə nümayəndəsi vəzifəsində çalışıb. O, şəhid baş leytenant Asif Kərimovun qardaşıdır. Ehtiyatda olan baş leytenant A.Kərimov Vətən müharibəsi başlayanda könüllü olaraq döyüşlərə qatılıb. İgid döyüşçü 2020-ci ilin noyabrın 3-də Şuşa ətrafında gedən döyüşlərdə 31 yaşında şəhid olub. O, doğulduğu Ləzran kəndində torpağa tapşırılıb. Cəsur döyüşçü “Vətən uğrunda”, “Qubadlının azad olunmasına görə” və “Hərbi xidmətlərə görə” medalları ilə təltif edilib.