Xəbər verdiyimiz kimi, bu gün Prezident İlham Əliyevin imzaladığı Sərəncamla Rüfət Nahid oğlu Mahmud “İçərişəhər” Dövlət Tarix-Memarlıq Qoruğunun İdarə Heyətinin sədri təyin edilib.

İqtisadiyyat.az xəbər verir ki, o, bu təyinatadək SOCAR-ın Rusiyada törəmə müəssisəsi olan “Socar Rus” MMC-nin rəhbəri olub.

R.Nahid əvvəllər isə Dövlət Şəhərsalma və Arxitektura Komitəsində işləyib. O, Dövlət Şəhərsalma və Arxitektura Komitəsi sədrinin müşaviri və daha sonra isə Beynəlxalq Əlaqələr və İnformasiya Texnologiyaları şöbəsinin müdiri vəzifəsində çalışıb.

Yeni sədr həmçinin Dünya Bankı və İqtisadiyyat Nazirliyində də bir sıra vəzifələr tutub.