İranın mərhum prezidenti İbrahim Rəisinin cənazəsi cümə axşamı axşam saatlarında Məşhəddəki İmam Rza məqbərəsində torpağa tapşırılıb.
İqtisadiyyat.az xəbər verir ki, bu barədə "Mehr" agentliyi məlumat yayıb.
Məlumata görə, Rəisinin cənazəsini daşıyan təyyarə cümə axşamı Məşhədin Haşeminejad hava limanına enib.
Rəisinin qohumlarını hava limanında bir qrup məmur qarşılayıb. Məşhəd meri məlumat verib ki, ilkin hesablamalara görə, Məşhəddə prezidentin və digər rəsmi şəxslərin dəfn mərasimində 3 milyon insan iştirak edib.
