Yaponiya avtomobil istehsalçısı “Honda Motor” birinci maliyyə rübündə xalis mənfəətini 8,7% artırıb.

İqtisadiyyat.az xarici mediaya istinadən xəbər verir ki, hesabat dövründə şirkətin xalis mənfəəti bir il əvvəlki 363,07 milyard yenlə müqayisədə 394,66 milyard yen (2,73 milyard dollar) təşkil edib.

Şirkət qeyd edir ki, xalis mənfəətin artmasına avtomobillərin bahalaşması, eləcə də yenin zəifləməsi kömək edib.

“Honda”nın rüblük gəliri 17% artaraq 5,405 trilyon yen olub.

Şirkətin avtomobil seqmentində əməliyyat mənfəəti 26% artaraq 222,84 milyard yenaya, motosiklet biznesində isə 24% artaraq 177,65 milyard yenaya çatıb.

Bu maliyyə ilində “Honda” 3,9 milyon avtomobil və 19,8 milyon motosiklet satmağı planlaşdırır. İkinci rübdə şirkətin avtomobil satışı 3,6% azalaraq 869 min ədəd, motosiklet satışı isə 13% artaraq 5062 ədəd təşkil edib.

 

Sadiq Cavadov