İqtisadiyyat.az xəbər verir ki, bu barədə "Kyodo" agentliyi məlumat yayıb.

"Bu, onların holdinq şirkəti çərçivəsində birləşmə planında ciddi bir dəyişiklik olacaq",-deyə məqalədə qeyd olunur.

Məqalədə bildirilir ki, əvvəlcə hər iki avtomobil istehsalçısının 2026-cı ildə holdinq şirkətində birləşməsi nəzərdə tutulurdu. Bununla belə, Nissan-ın biznesin transformasiyasında uğur nümayiş etdirməsi əsas şərtlərdən biri idi. Analitiklər hesab edir ki, şirkət bu tələbi yerinə yetirə bilməyib.

Mütəxəssislər düşünür ki, Honda-nın təşəbbüsü Nissan-ın müqaviməti ilə qarşılaşa bilər, çünki Nissan rəhbərliyi müstəqilliyini itirmək istəmir. Nissan-ın avtomobil bazarındakı mövqeyi isə çətin olaraq qalır – şirkət 2024-cü ilin noyabrında 9000 iş yerini ixtisar etməyi və dünya üzrə istehsal gücünü 20% azaltmağı planlaşdırdığını açıqlamışdı.