Hollandiya və Danimarka Rusiya ilə müharibə vəziyyətində olan Ukraynaya "F-16" döyüş təyyarələri göndərəcəyini açıqlayıb.

İqtisadiyyat.az xarici mediaya istinadən bildirir ki, bu barədə Hollandiya və Danimarka baş nazirləri çıxış ediblər. 

Danimarka Ukraynaya ümumilikdə 19 ədəd "F-16" tədarük edəcək. Danimarkanın baş naziri Mette Frederiksenin açıqlamasına görə, ilk 6 təyyarə gələn ilin əvvəlində, 8-i 2024-cü ildə, 5-i isə 2025-ci ildə təhvil veriləcək. Hollandiyanın baş naziri Mark Rutten isə bildirib ki, Hollandiyanın 42 ədəd "F-16" qırıcısı var, lakin onlardan neçəsinin Ukraynaya tədarük ediləcəyi bəlli deyil.

Ukrayna prezidenti Vlodimir Zelenski bu qərarı "dönüş nöqtəsi" kimi qiymətləndirərək qeyd edib ki, bu təyyarələr Ukraynanın hava hücumundan müdafiəsini gücləndirəcək. 

Artıq bir neçə aydır ki, Hollandiya və Danimarka pilotları ukraynalı pilotlara "F-16" təlimi keçirir. Ukraynanın müdafiə naziri Oleksiy Reznikov bildirib ki, ukraynalı pilotlar "F-16" qırıcılarından istifadə etmək üçün təlimlərə başlayıblar. Lakin mühəndis və texniki işçilərin hazırlanması üçün ən azı 6 ay, bəlkə də daha çox vaxt lazım olacaq.

Gülşən Şərif