Rusiya və ölkənin Ukrayna ilə sərhədindəki Bryansk, Kursk, Belqorod, Voronej və Rostov şəhərlərinə qismən səyahət xəbərdarlığı edilib.
İqtisadiyyat.az xəbər verir ki, Hollandiya, Vaqner qrupunun Rusiya rəhbərliyinə qarşı üsyanı səbəbiylə, Hollandiya Xarici İşlər Nazirliyindən edilən yazılı açıqlamada, öz vətəndaşlarını Rusiyanın, xüsusilə də Ukrayna ilə sərhəddə yerləşən şəhərlərinə getməmələri ilə bağlı xəbərdar edib.
Bəyanatda Ukrayna ilə sərhəddə yerləşən bölgələrə, eləcə də regionlara səfər etməmək istənilib. Ukraynanın bölgələri ilə yanaşı Rusiyanın işğalı altında olan Dağıstan, Çeçenistan və İnquşetiya da Hollandiya səfirliyinin kömək edə bilməyəcəyi xəbərdarlığı edilib.
Hollandiyanın xarici işlər naziri Wopke Hoekstra Twitter hesabında Rusiyadakı daxili hadisələri yaxından izlədiklərini, Hollandiyanın bu ölkədəki səfirliyi ilə əlaqə saxladıqlarını, Rusiyadakı Hollandiya vətəndaşlarını səyahət və təhlükəsizliklə bağlı məlumatlandıracaqlarını qeyd edib.
Vaqner qrupunun Rusiya administrasiyasına qarşı üsyanı Özəl təhlükəsizlik “Vaqner” şirkətinin yaradıcısı Yevgeni Priqojin Rusiya ordusunu Vaqnerə hücum təşkil etməkdə ittiham edib və cavab verməklə hədələyib, “Vaqner” döyüşçüləri Ukraynanı tərk edərək sərhəd Rostov vilayətinə daxil olublar.
Federal Təhlükəsizlik Xidməti (FSB) "silahlı üsyan" maddəsi ilə cinayət işi açıb. Rusiya prezidenti Vladimir Putin Vaqnerin qiyamını "vətənə xəyanət" kimi qiymətləndirib.
Priqojin Moskvaya gedəcəklərini açıqlayıb və Kreml rəhbərliyi bir çox yerdə təhlükəsizlik tədbirlərini artırıb.
