Hollandiyanın Müdafiə Nazirliyi Haaqada yerləşən Robin Radar Systems şirkətindən pilotsuz təyyarələrin aşkarlanması üçün 51 mobil radar alıb.
İqtisadiyyat.az xəbər verir ki, bu barədə ölkənin Müdafiə Nazirliyinin mətbuat xidmətindən bildirilib.
Verilən məlumata görə, onlar daha sonra Ukraynaya aparılacaq.
Müdafiə Nazirliyi qeyd edib ki, bu radar sistemləri, məsələn, kiçik pilotsuz təyyarələri aşkar etmək və onları quşlardan ayırmaq qabiliyyətinə malikdir. Radarların özünəməxsus cəhəti odur ki, onlar hətta hərəkət edən platformalarda belə öz işlərini görə bilirlər.
"Sistem mobil olduğundan düşmən tərəfindən onu aşkar edib zərərsizləşdirmək daha çətindir", - deyə nazirlikdən bildirilib.