Hizbullah İsrailin Yuxarı Qalileydəki mövqelərinə tank əleyhinə idarə olunan raketlər atıb.
İqtisadiyyat.az xəbər verir ki, bu barədə qurumun Telegram kanalında yerləşdirilmiş hərbi hesabatında deyilir.
"İslam müqaviməti döyüşçüləri İsrailin şimalındakı Marqaliot və Menara yaşayış məntəqələrində hərbi hədəfləri vurduqları bir əməliyyat keçirib. Zərbələr tank əleyhinə idarə olunan raketlərlə həyata keçirilib və nəticədə düşmən qüvvələrinin sıralarında itkilər qeydə alınıb", - məlumatda bildirilib.
Qeyd edilib ki, bu hücumlar İsrail Hərbi Hava Qüvvələrinin Hizbullah silahlılarının forpostlarının yerləşdiyi Aytarun, Blida və Marun ər-Ras bölgələrinə endirdiyi zərbələrə cavab olaraq həyata keçirilib.
"Əl Jadeed" telekanalının məlumatına görə, İsrail pilotsuz təyyarəsi günorta saatlarında Qərbi Bekaa bölgəsindəki Jantadakı Hizbullah düşərgəsinə hücum edib və burada hava hücumundan sonra güclü yanğın başlayıb. Digər pilotsuz təyyarə Əl-Teybe kəndini vurub, burada isə yerli mülki müdafiə könüllülərindən biri yaralanıb.
